حابه اقول لكل الناس اللى تعبت فتره العيد واللى تعبت دلوقتى الف سلامه سواء كانت نزله معويه والاكتر فى الاطفال او دور برد محترم التهاب جيوب أنفيه مع التهاب الزور فهو كورونا ضعيفه للاسف واللى نشطت تانى بسبب تقلب الجو السخيف
وهو جو ملىء بالفيروسات زى الروتا فيرس اللى كانت منتشره الشهر اللى قبل رمضان عند معظم الاطفال فلازم ناخد بالنا من مناعه الاطفال والكبار وطبعا الافضل فى اكلهم الصحى والاطفال اللى مش بتاكل كويس لازم ندخل multivitamin عشان يقدر يقاوم وده بديل الفيتامين اللى كلنا كنا بناخده ايام النزلات الشعبيه او الكورونا (زنك وفيتامين سى) اللى بيعلى معانا المناعه وهناخده طبيعى فى اكلنا
الزنك موجود فى اللبن والبيض واللوز والكاجو والبندق والتونه واللحوم الحمرا والفول والعدس
والفاصوليا والرمان
فيتامين سى واكتر حاجه الفلفل الاخضر وفلفل الالوان والكرنب والبروكلي وطبعا الحمضيات زى الليمون والبرتقال واليوسفي والفراوله والتوت
