كتب: حسام أحمد
أعلن محمود المهدي، عودته لطليقته الفنانة الشابة منة عرفة، بعد شهرين على انفصالهما
وعبر خاصية "الاستوري" بحسابه الرسمي بموقع إنستجرام، علق "المهدي" قائلا: "الحمد لله أنا ومنة رجعنا، ولا عزاء للحاقدين".
وكانت الفنانة منة عرفة، قد صرحت خلال حوارها ببرنامج "ضرب نار" منذ أيام، إن طلاقها الرسمي من محمود المهدي لم يقع حتى الآن، قائلة: "الطلاق الرسمي على الورق محصلش لسه، لكن في انفصال من شهر ونصف، قبل الطلاق ما بيحصل في حاجات بتتم، كل شيء نصيب، وممكن يكون الواحد مقرر حاجة والموضوع يتقلب ويلاقي نفسك في حتة تانية خالص".
وعلقت على موقفها من العودة لمحمود المهدي، قائلة: "محدش بياخذ أكثر من نصيبه، وفي محاولات للرجوع، ومش هو بس اللي بيحاول العودة، وفي محاولات من ناس كتير، وخراب البيوت مش سهل، ومش حاجة سهل تخرب اللي بيتبني".
وتابعت: "إحنا بنتكلم على طول، وإحنا مش بنكره بعض، ولا إحنا أعداء، والعلاقة بينا طيبة وفيها احترام وكل حاجة حلوة، وحياتنا مع بعض حاجة تخصنا".
وفي مطلع مارس الماضي، أعلن محمود المهدي، انفصاله عن زوجته الفنانة الشابة منة عرفة، للمرة الثانية، وكتب عبر خاصية "ستوري إنستجرام": "تم الانفصال والحمد لله على كل شيء، ربنا يوفقها ويوفقني.. رينا بيرزق العبد، عمرها ما كانت في يد حد، وضد الفساد حتى لو فضلت لوحدي، بس ربنا معايا"
