شدد الرئيس عبدالفتاح السيسي، على أهمية قضية الزيادة السكانية وتنظيم الإنجاب في مصر، قائلا: "تنظيم الإنجاب فى مصر بيسَمع فى موضوعات كييرة وتحدى فى موضوعات كثيرة أيضا، والتعدى على الأراضى الزراعية عبارة عن نمو سكانى وبالتالى زيادة الطلب على السكن، وتساءل: "يا ترى محتاجين نستمر بالنمو السكاني بالطريقة دي؟".
تحذيرات الرئيس السيسي من الزيادة السكانية
وأضاف الرئيس خلال افتتاح شركة سايلو فوودز:"قضية النمو السكاني في منتهى الخطورة، لما نيجي من 2011 إلى اليوم ما يقرب من 20 مليون زيادة ، طيب يا ترى الأسعار بتبقا غالية ليه لأن حجم الطلب بيزيد.. وبالطريقة اللى احنا ماشيين فيها في النمو السكاني كل الجهد اللى بنعمله.. إحنا مش بنمن على أهلنا وده دورنا ولو مش قادرين نمشى".
احصائيات الكشف عن السمنة والانيميا والتقزم
وقال الرئيس عبد الفتاح السيسى، أن احصائيات الكشف عن السمنة والانيميا والتقزم تشير إلى إصابة ما يقرب من 4 ملايين طفل بالسمنة وهذا رقم كبير، متابعا: "ده دورنا كلنا تجاه أولادنا ومش الحكومة بس.. وهل الأهم العدد ولا النوعية.. وهل الهدف إنجاب أطفال كتير؟! ولا أطفال جيدين؟!.. ولما نشوف رقم 3.4 مليون طفل يعانون من السمنة.. هل فيه رعاية سواء في المدرسة؟ وهذا أمر يحتاج إلى الاعتراف بدون حرج.. عدد كبير ما يقرب من 4 مليون طالب يعانون من السمنة.. هل يمارس الرياضة؟!".
وأضاف الرئيس السيسى خلال كلمته فى افتتاح المدينة الصناعية "سايلو فودز": لما بنتلكم في الموضوع دوه ويتم التنبيه على المصانع بسبب السمنة والوزن يعتقدوا نهدف إلى أننا نحرج أنفسنا.. لا.. لازم يكون في ثقافة الناس من خلال مراقبة حقيقية لوزن أولادهم.. ومدى الكفاءة الصحية من خلال نظام غذائي صحى ويمارس الرياضة ويمارس أنشطة رياضية مناسبة طبقا للهوايات لو أمكن".
وتابع الرئيس السيسى: "يا ترى العدد المهم ولا رعاية الأطفال ومتابعتهم بشكل جيد.. وكل ما نتكلم حد يقولى الحمد لله والرزق على ربنا.. صحيح الرزق على ربنا وكلنا عايشين في مصر العالم عايشين على فضل ربنا.. بس ربنا أمرنا بالتفكير ونأخد بأسباب الدنيا اللى موجودين فيها.. هل طفل واحد جيد ولا 3 – 4 أطفال بظروف صعبة.. ولما نتكلم عن أكثر من 8 ملايين أطفال لديهم انيميا وده معناه أنهم بياكلوا غلط.. ولما يكون أكثر من 1.3 مليون طفل عندهم مشكلة في عملية الطول اللى موجودة.. وانا بتكلم في العدد وتحديد وتنظيم الانجاب في مصر".
«حان وقت زيادة رغيف العيش مش معقول 20 رغيف بثمن سيجارة»
هذا وقال الرئيس عبدالفتاح السيسي، إن الوقت قد حان لزيادة ثمن رغيف الخبز والذى يباع بـ 5 قروش، قائلا: "جه الوقت ان رغيف العيش أبو 5 قروش يزيد ثمنه.. مش معقول أدى 20 رغيف بثمن سيجارة".
وأضاف الرئيس خلال افتتاح شركة سايلو فوودز: "الكلام ده لازم يتوقف ونعيد تنظيمه بشكل مناسب ..رغيف العيش بيكلفنا 65 قرش وهذا الامر لازم يتوقف".
وأوضح الرئيس عبد الفتاح السيسى، أن الدولة تسعى لتوازن الأسعار رغم الظروف مثل أزمة كورونا أو ارتفاع درجات الحرارة وتأثيرها على الصناعة والزراعة، مشددا على أن الهدف من تطوير المصانع مثل تطوير "قها ادفينا"، الوصول إلى منتج غذائى متكامل يحقق التوازن في الأسعار في ظل ظروف معينة.
وأضاف الرئيس السيسى، خلال كلمته في افتتاح المدينة الصناعية "سايلو فودز": "احنا بنطور بلدنا ومش هينفع تمشى الأمور كده.. ونقول منقدرشى نقرب من رغيف العيش.. لا لا احنا بلد محترمة تحترم ناسها وتجرى عليهم وبتجرى عليهم بجد امام ربنا وامام الناس.. ومش هينفع أنى أوفر رغيف عيش بعملة غير معروفة.. محدش يعرف الـ "5 صاغ".
